Mushq no. 12

• Aaram sey kisi jagah beth jaein ankhein bund kar kay jism ko bilkul dheela chor dein teen lambey saans lein.
• Ab naa pasandeeda fard kay baarey mein sochein to aap kay dimagh mein uski tasweer bahey gi.
• Ab iss tasweer ko duur aur bohut duur ley jaein aur nuqta sa bana dein ya apney kamrey kay peechein bohut duur ley jaein ek do baar aisa kar lein.
• Ab uska chehra aap ko disturb na karey ga.

44. Hum peechey bata chukey hain kay agar saas bahoo ko beti ki tarah samjhey aur bahoo saas ko maan ki tarah to saas bahoo kay aksar masa'el paeda nahin hongey amooman yeh donon ek doosrey ko pasand nahin kartiin koshish kay bawajood ek doosrey ko pasand nahin kar saktiin ab hum aapko ek bohut hi mu'asser tariqa bataeingey jis ki madad sey aap apni naa pasand ko pasand mein badal sakeingi.

Mushq no. 13

• Apney kamrey mein aaram sey beth jaein jism ko bilkul dheela chor dein 3 lambey saans lein aur aankhein bund kar lein.
• Aankhein bund kar kay kisi aisey fard kay baarey mein sochein jis ko aap bohut pasand karti hain aur ahetraam karti hain yeh maan, baap, behen, bhaee mein sey koi bhi ho sakta hai.